#在家抗疫日常 #第59日 #柯豬家是日晚餐 #throwback
柯豬的婆婆應該好擔心兩個孫女無生果食，每隔幾日去街市都會多買幾個蘋果俾我地，8個10個咁俾，雪櫃蔬菜格最高峰有約莫20個蘋果在等待被吃掉。。。真係好難食得晒呀！😂 為了加快消滅它們，柯豬媽今晚的晚餐用了🍎 嚟做燜肉！
基本上哩個「蘋果燜牛肋條」都係就地取材，屋企有咩用咩，所以我用的材料配搭未必係最好，但煮出嚟嘅效果相當不錯，柯豬媽很推薦大家試下。
材料：
牛肋條 2磅
紅蘋果 1個
洋蔥 1個
乾蔥 3粒
薑 3片
汁料：
水 500ml
雞湯 100ml
蠔油 1湯匙
醬油 1湯匙
糖 1茶匙
1.急凍牛肋條解凍，飛水，將煮出來得髒血塊沖洗乾淨，備用。(我會將肉放落一煲凍水+少量料理酒/花鵰酒，開細火慢煮，不用蓋煲，等見到大量啡色髒物浮面就可以關火)
2.洋蔥和蘋果切成大塊，乾蔥切半。用一個有深度的鍋 (我用了雪平鍋)，下點油，中慢火先將洋蔥和乾蔥爆香，到開始轉半透明時灑啲啲鹽。
3.在洋蔥和乾蔥上鋪上牛肋條，牛肋條上鋪上蘋果，放入薑片，跟住就可以倒入汁料，轉中大火煮滾。
4.滾起後蓋鍋，繼續中大火煮10分鐘，轉慢火煮多20分鐘後熄火放一邊，不用開蓋，讓剩下的熱力持續燜煮牛肋條。
5. 30~60分鐘後，開慢火再煮滾，煮到差不多收汁，洋蔥乾淨蘋果都軟爛晒，牛肋條亦變淋，就 OK晒啦！
•••••••柯豬媽的溫馨提示•••••••
燜煮的過程有點長，最好下晝先做好第一轉的燜煮，放一邊直到夜晚開飯前先再拎上爐頭再煲。
亦係因為以上的原因，煮緊嘅時候記得每10分鐘睇一睇下會唔會煮到無晒水(自行加番多啲啲水/雞湯) ，同埋可以輕手 stir 下等啲牛肋肉煮得平均啲。
另外，柯豬媽將煮好的牛肋條上碟後見喺鍋底有唔少肉汁的精華，所以加咗啲麵粉和額外的雞湯(用牛湯更正，不過我無)，煮成了gravy，用嚟配牛肋條和飯一齊食，真係無敵呀 😍!!
同晚仲有｢櫻花蝦炒粉絲｣ 和 ｢帶子西芹｣，因為蘋果燜牛肋條太高分，哩兩個餸清唔晒，變咗柯豬爸明日的 lunch box~😂
#柯豬姐與些莉妹
#煮咩好 #cookingideas #食咩好 #早餐 #午餐 #晚餐 #食譜 #留在家 #stayathome
Search